寫blog的第二天

okay, 今日仲有時間寫blog 實在太好了！

今朝起身0係張床到睇手機（有開燈睇，要保護眼睛 XD)

FB好多今屆香港小姐冠軍既消息

這個冠軍真係唔簡單

樣子甜美讀書又超叻！

真係好叻好叻～

睇手機睇到肚餓先起身整0的野食，

諗左一陣，究竟係出去買野食吖定係自己煮？

最後覺得慳0的錢好，

自己煮左十幾隻灣仔碼頭水餃食下囉，

其實0的水餃0係上次0個個無鬼用風球0個日買架，

平時屋企真係無咩存貨，要出街買野食，

食左十幾隻餃，飲左包朱奶，再飲0的水

嘩，飽哂～

依家打算去洗一轉衫，

上下網網購一下

出去旺角食蛋黃哥(如果有人陪）

去跑下步(如果唔落雨）

咁又一日嘞！幾好！ :)

<完>

天天。記錄

自從yahoo blog執笠之後...

我就再無認真寫過blog

明明yahoo個blog都做得好地地，

點解要執笠呢？

算，唔講呢0的～

我好想好想養成番一個習慣去寫blog,

天天記錄

我知道，好難。

日日番工都咁攰，

講真，真係唔會有時間日日寫，

不過，我會嘗試。

加油！